На 24.02.2008год. во туристичкото излетиште Матка беше организирана тренинг вежба на членовите на ИД Урсус Спелеос. Тренингот се состоеше од работа со јаже, при што се вежбаше движење по јаже, спуштање и качување по јаже и префрлување од една до друга контролна точка (сидриште).Вежбата ја надгледуваа инструкторите од друштвото, Диме Караташов и Бојан Петковски, кои се потрудија своето знаење да го предадат на поновите членови. Вежбата ја посети и претседателот на ИД Урсус Спелеос господинот Оливер Гичевски, кој беше презадоволен од работата и трудот кој го вложуваа членовите на друштвото како и од желбата за нови знаења. По иницијатива на претседателот, а и на членовите на ИД Урсус Спелеос вакви вежбовни активности во иднина ќе се одржуваат најмалку еднаш месечно.